Hava proqnozuna görə 15 yanvar tarixində Azərbaycanın əksər rayonlarda əsasən yağmursuz olacaq. Lakin bəzi şərq rayonlarında arabir yağıntılı olacağı, qar yağacağı gözlənilir. Bəzi yerlərdə arabir duman olacaq, qərb küləyi əsəcək.

Sabah Bakıda qarlı hava gözlənilirmi? Ümumiyyətlə qar yağacaq? Bu mövzu ilə bağlı Milli Hidrometeorologiya Xidmətinin Proqnozlar Bürosunun direktoru Gülşad Məmmədova  Referans.az-ın suallarını cavablandırıb. Gülşad Məmmədova bildirib ki, hava proqnozu ilə bağlı məlumatlar iki gün əvvəldən planlaşdırılır.

"15 yanvar 2025- ci il tarixində Bakıda qar yağacağı barədə bizdə hələlik heç bir məlumat yoxdur. Yalnız onu deyə bilərəm ki, ölkəmizin bəzi dağlıq ərazilərində qar yağacağı ilə bağlı proqnozlarımız var. Qəfil və kəskin hava dəyişikliyi ilə bağlı hər hansısa bir xəbər olacağı təqdirdə dərhal tərəfimizdən media vasitəsilə ictimaiyyətə məlumat veririk", - deyə Gülşad Məmmədova qeyd edib.