Rayon qeydiyyatında olanlara MÜJDƏ - Bundan sonra Bakıda ... 

Sağlamlıq haqqında arayış əldə etmək hər bir vətəndaş üçün vacib amillərdən biridir. 

Sağlamlıq haqqında arayış əldə etmək üçün hazırda 40 manat məbləğində dövlət rüsumu ödənilir. Ancaq onu da vurğulayaq ki, bu gün bir çox vətəndaş Bakıda məskunlaşıb və onların əksəriyyəti rayon qeydiyyatındadır. Rayon qeydiyyatında olanlar sağlamlıq haqqında arayışı Bakıdan ala bilərmi? 

Titul.az xəbər verir ki, məsələ ilə bağlı “Cebheinfo.az”-ın sorğusuna cavab olaraq TƏBİB-dən bildirilib ki, hər bir vətəndaş müvəqqəti və ya daimi yaşadığı ərazi üzrə ilkin səhiyyə xidməti müəssisəsində tibbi qeydiyyata alınır:

“Vətəndaşın qeydiyyatı ilə yaşadığı ünvan fərqli olduqda, həmin ünvanda müvəqqəti qeydiyyatsız yaşaması haqqında təsdiq edən sənəd (arayış) tələb edilir. Həmin sənəd əsasında vətəndaş müvəqqəti yaşadığı ərazi üzrə ilkin səhiyyə xidməti müəssisəsində ambulator qeydiyyata alınır və tibbi müayinələrə cəlb edilir”. 

“Arayışı haradan əldə etmək olar?” sualına cavab olaraq TƏBİB-dən bildirib ki, sənədi mənzil istismar sahəsindən (“JEK”) əldə etmək olar: ““JEK”-dən arayışı alıb ərazidəki poliklinikaya təqdim edilməlidir”.