Xalq artisti Zemfira Nərimanova illər sonra görüntülənib. 

Milli.Az xəbər verir ki, aktrisa məclislərdən birində Əməkdar artist Xumar Qədimova ilə bir araya gəlib. Qədimova mahnı oxuyarkən aktrisa səhnəyə çıxıb və rəqs edib. 

Həmin anları instaqram hesabında bölüşən Xumar "Xalqımızın sevimli aktrisası, "Pəncərədə işıq"la tamaşaçıları sevindirən Zemfira Nərimanova! Sizi görmək çox xoş oldu" sözlərini yazıb. 

Qeyd edək ki, Zemfira Nərimanova illərdir heç bir yerə açıqlama vermir, efirlərə çıxmır. 65 yaşlı aktrisa Akademik Milli Dram Teatrında çalışır. Bir çox rolları ilə tanınan Z.Nərimanova uzun müddət xaricə köçüb. Azərbaycana qayıtdıqdan sonra isə heç yerdə görünməyib. O, "Pəncərədə işıq", "Ordan-burdan", "Göz həkimi", "İtkin gəlin" kimi teletamaşalarda rol alıb.