Türkiyə Super Liqasının VI turunda keçirilən İstanbul derbisində “Qalatasaray”ın 3:1 hesablı qələbəsindən sonra stadionda qeyri-adi və arzuolunmaz hadisələr baş verib. Oyunun sonunda, “Qalatasaray”ın azarkeşləri sevinclərini qeyd edərkən, bəzi “Fənərbaxça” azarkeşləri ilə aralarında gərginlik yaranıb.

Stadionda baş verən qarşıdurma nəticəsində bir neçə “Qalatasaray” azarkeşi xəsarət alıb. Qarşıdurma əsasən stadionun tribunalarında başlayıb və təhlükəsizlik xidmətlərinin müdaxiləsi ilə qismən sakitləşdirilib. Hadisədən dərhal sonra yaralanan azarkeşlərə təcili tibbi yardım göstərilib və bir neçəsi xəstəxanaya aparılıb.

Mənbələrə görə, hadisənin əsas səbəbi meydandakı məğlubiyyətdən sonra “Fənərbaxça” azarkeşlərinin yaranmış emosional gərginlikdən qaynaqlanan provokasiyalar olub. Lakin təəssüf ki, bu gərginlik mübahisələrdən kənara çıxaraq fiziki toqquşmalara çevrilib.

Hazırda hadisə ilə bağlı hüquq-mühafizə orqanları tərəfindən araşdırma aparılır və təhlükəsizlik tədbirlərinin gələcək oyunlarda daha da gücləndirilməsi gözlənilir. Stadiumda və ətrafında təhlükəsizliyin təmin edilməsi üçün tədbirlər görüləcəkdir.

Mənbə: Bizimshow.az