Bu ilin may ayının qeyri-iş günləri məlum olub.

BAKU.WS xəbər verir ki, növbəti ay 9 May Qələbə Günü və 28 May – Respublika Günü münasibətilə bayram olacaq. 9 May Qələbə Günü 4-cü günə təsadüf edir, 11 və 12 may isə istirahət günləridir. O cümlədən bu il 28 May Müstəqillik Günü 2-ci günə düşür, 25 və 26 may tarixləri isə şənbə-bazardır.

İş və istirahət günlərinin ardıcıl olmasını təmin etmək məqsədilə “Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli 489 nömrəli Fərmanının 2-ci hissəsinə əsasən hər il Azərbaycan Respublikasının Nazirlər Kabineti bayram günləri ilə qeyri iş günlərinin yerlərini dəyişdirir.

Lakin bu barədə hələlik Nazirlər Kabinetinin qərarı yoxdur.