Ermənistanın baş naziri Nikol Paşinyan bildirib ki, “Əsas məsələ Ermənistanla Azərbaycan arasında sülhün nə dərəcədə mümkün olması və bunun hansı prinsiplər çərçivəsində baş verməsidir.
Brüsseldə Avropa İttifaqı Şurasının prezidenti Şarl Mişel, Azərbaycan Prezidenti və Ermənistanın baş naziri arasında mayın 14-də və iyulun 15-də keçirilmiş görüşün nəticələri ilə təsdiqlənib”, – deyə baş nazir bildirib.
Paşinyan daha sonra bildirib ki, Azərbaycan bu prinsiplərdən əl çəkməsə, yaxın gələcəkdə İrəvanla Bakı arasında sülh müqaviləsinin imzalanması kifayət qədər real ola bilər.
Paşinyan bildrib ki, Azərbyacan prinsiplərdən əl çəkməsə sülh sazişi imzalanacağ. Bəs Ermənistanın özü bu prinsiplərdən əl çəksə Azərbaycan hansı reaksiyanı verəcək? Və Ermənistan bu prinsiplərə niyə uzun müddətdən sonra əməl etməyə başladı?
Mövzu ilə bağlı siyasi şərhçi Əziz Əlibəyli Turkustan.az-ın suallarını cavablandırıb.
Ə.Əlibəyinin fikrincə “Açığı Ermənistanın prinsiplər üzərindən sülhə razılıq verməsi məcburiyyətdən doğur.
Xüsusən də Rusiyanın artan təyziqi fonunda Paşinyan öz hakimiyyətini sığortalamaq ehtiyacı duydu. Bu mənada Türkiyə-Azərbaycan birliyinə transformasiya edilməsi kimi düşüncəsi var. Bu baxımdan indi Ukrayna prosesləri qismən Rusiyanın üstünlüyünə çevirildiyinə görə, Ermənistan bundan ciddi bir qorxu hiss etməkdədir.
Buna görə də Paşinyanda təcili şəkildə Azərbaycanın və Türkiyənin dəstəyini almaq kimi düşüncə formalaşıb. Ermənistanın prosesləri tezləşdirmək istəyi bundan qaynaqlanır”.
