Türkiyənin Muğla bölgəsində 5,8 bal gücündə zəlzələ baş verib.
Ajans.az AFAD-a istinadən xəbər verir ki, zəlzələ İzmir və Antalyada da hiss olunub.
Məlumata görə, təbii fəakət yerli vaxtla saat 02:17-də qeydə alınıb.
Muğlanın Marmaris rayonundan 10,43 kilometr aralıda olan zəlzələnin 67,91 kilometr dərinlikdə meydana gəldiyi müəyyən edilib.
Onu da qeyd edək ki, Muğla şəhərinin valisi İdris Akbıyık “TRT Haber”ə açıqlamasında baş verən güclü zəlzələ zamanı təşvişə düşən və hündürlükdən tullanan 11 nəfərin xəsarət aldığını bildirib. Onun sözlərinə görə, yaralalıların həyati təhlükəsi yoxdur.
Akbayık təlafat və dağıntı olmadığını vurğulayıb.
