Bu gün ailə münasibətlərdə ciddi problem yaradan, boşanmalara və ayrılıqlara səbəb olan xəyanət problemindən danışacağıq. Hansı ki, günümüzün ən böyük bəlalarından birinə çevrilib.
Türkiyəli məşhur ailə terapevti Cem Keçə xəyanət edən insanların psixologiyası və davranışlarında baş verən dəyişikliklər barədə maraqlı bir məqalə yazıb.
Yazını oxuyaraq xəyanətin qurbanı olub-olmadığınızı müəyyənləşdirə bilərsiniz.
Bizimshow.az “Qadinlar.biz”-ə istinadən həmin məqaləni təqdim edirik:
Səbəbi nə olur, olsun, xəyanət qəbul edilə bilməz. Sevdiyi şəxs tərəfindən aldadılan kişi və ya qadın ağır zərbə alır.
Ən yaxın adamı rəhmətə gedən insan necə hisslər keçirirsə, xəyanətə uğrayan şəxs də eyni hala düşür.
Xəyanət edən isə məsələyə tam fərqli yanaşır.
O, sədaqətsizliyinə bəhanə tapmaqla məşğul olur. Yəni, hamıdan əvvəl özünü aldadır.
Xəyanətin səbəblərini tam olaraq müəyyənləşdirmək mümkün deyil. Belə insanların psixologiyası çox fərqlidir. Söhbət xəyanətdən gedəndə, hər kəsin səbəbi fərqli olur.
Xəyanət sevgi münasibətlərinin əsas düşmənidir.
Evlilik terapevtləri xəyanətin qismətlə deyil, genetika ilə bağlı olduğunu bildirirlər. Belə ki, atası şorgöz olan kişilərin özləri də eyni cür həyat tərzi keçirməyə meyilli olurlar.
Mütəxəssislər gələcəkdə xəyanətin əsl səbəbinin tapılacağına əmindirlər.
Hətta 2050-ci ildə cütlüklər üçün xüsusi xəyanət testlərinin hazırlanacağı deyilir. Sevgililər evlənməzdən öncə həmin testlərdən keçməli olacaqlar.
Təəssüf ki, hələlik elm həyat yoldaşınızın sizə xəyanət edib etmədiyini deməkdə acizdir.
Ancaq uzun illər davam edən araşdırmalar nəticəsində bir neçə ümumi müddəalar müəyyənləşdirilib ki, onlara əsasən 80 faiz doğru nəticələr əldə edə bilərsiniz.
Bunun üçün sadəcə, partnyorunuzun davranışlarına nəzər yetirməyiniz kifayətdir. Bəs, hansı davranışlarına əsasən, həyat yoldaşınızın sizə xəyanət etdiyindən şübhələnməyə tam haqqınız çatır?
Xəyanət edən insanlar necə davranır? -TANIYIN! Sizin üçün bir neçə ipucu verə bilərəm:
1.Geyim, qida və yuxu rejimində dəyişikliklər var?
2. Evdən xaricdə çox vaxt keçirir?
3. Sizə qarşı diqqətsizdir və cinsi istəyində azalma müşahidə edirsiniz?
